Ինչպէ՞ս է ապաքինման ժամանակահատւածը, այտի մեծացումի վիրահատութիւնից յետոյ:
Այս վիրահատութեան ապաքինման ժամանակահատւածը համեմատաբար կարճ է: Ինչպէս արդէն նշւել է, մենք պրոթեզի պահպանման համար շղարշէ վիրակապեր, 3-ից 5 օրով օգտագործում ենք, որոնք այս ժամանակահատւածի վերջում բժշկի գրասենեակում հեշտութեամբ հեռացւում են: Վիրահատութիւնից յետոյ այտերի շրջանում ուռուցք կայ, որի մեծ մասն առաջին շաբաթւայ ընթացքին վերանում է, սակայն ուռուցքից մի փոքր աստիճանը, կարող է մինչև քանի շաբաթ մնալ, բայց դրա մեծ մասը մինչեւ առաջին շաբաթւայ վերջը կամ երկրորդ շաբաթւայ կէսին վերանում է: Վիրահատութեան կարերը (բերանի մէջ) ամբողջութեամբ ծծւող են եւ հեռացնելու կարիք չունեն:
Այտի մեծացման համար արդեօ՞ք ուրիշ մեթոդներ էլ կան:
Այո, այս գործի համար կան երկու այլ եղանակներ, որոնք երկրորդ հարցում խօսւել են (ճարպի ներարկում – գելի ներարկում): Մեր առաջարկը, կանխելու այտի ծաւալի նւազումի համար՝ ժամանակի ընթացքին, ինչպէս արդէն ասւեց՝ ճարպի ներարկումն է: Այս կերպով, բնական եւ մշտական փոփոխութիւններ են առաջանում անհատի դէմքին: Այն մարդկանց համար, ովքեր ցանկանում են տեսնել վիրահատութեան արդիւնքը, նախքան կատարւելը և կամ նրանք, ովքեր չեն ցանկանում կատարել այն, առաջարկւում է գելի ներարկում: Այս մեթոդի առաւելութիւններից է ապաքինման շրջանի շատ կարճ ժամկէտը: Գելի ներարկումն երիտասարդների կամ աւելի բարձր տարիքի համար հնարաւոր է կատարել: Այս մեթոդի մէջ կապտուկ եւ ուռուցք չկայ և եթէ էլ առաջանայ շատ չնչին չափով է: Այս մեթոդը այն դէպքերում, երբ անձը սահմանափակ ժամանակ ունի եւ ցանկանում է ըստ հնարաւորին սեղմ ժամկէտում արդիւնք ստանալ՝ (նա, ով հարսանիք կամ հիւրասիրութիւն ունի) յարմար է:
Այտի մեծացումը ի՞նչ ձևով է կատարւում:
Մենք այս գործողութեան համար օգտագործում ենք ներ-բերանային (ինտրաօրալ) տեխնիկան, այսպիսով վիրահատութեան կտրւածքը կատարւում է բերանի ներսից: Այս մեթոդի առաւելութիւններից, բացի կտրւածքի աննշան լինելը՝ մաշկի վրայ, նաև նւազում է յետ-վիրահատական ապաքինման ժամանակահատւածը: Հիւանդի յարմարութեան համար, այս գործողութիւնը սովորաբար արւում է ընդհանուր անզգայացմամբ: Վիրահատութիւնը սովորաբար տեւում է մէկ ժամից աւելի քիչ: Վիրահատութիւնից յետոյ պրոթեզի ֆիքսելու համար այտի վրայ օգտագործւում է շղարշէ վիրակապ: Այս վիրակապը նւազեցնում է պրոթեզի տեղաշարժւելու հաւանականութիւնը, յետ-վիրահատական օրերին, և 3-ից 5 օր վիրահատութիւնից յետոյ վերցւում է:
Այտի մեծացման խորհրդատւութեան համար, ի՞նչ խնդիրներ են նկատի առնւում և գնահատւում:
Այտի մեծացումը պատճառ է դառնում դէմքի տարրերի համադրումին և անհատի դէմքի աւելի գեղեցիկ լինելուն: Խորհրդատւութեան նիստի ընթացքում, նախ մանրակրկիտ ուսումնասիրւում են դէմքի տարրերը և ապա իմպլանտների չափն որոշւում է: Այտի պրոթեզի յարմար չափը որոշելու համար, օգտագործում ենք տարբեր չափերի պլաստիկ չափողներ: Այս մեթոդը շատ աւելի արդիւնաւէտ է դիջիթալ դիզայնից: Այտերի մեծացումը թէ՝ երիտասարդների մօտ եւ թէ՝ աւելի բարձր տարիքում է կատարւում: Այն երիտասարդները, որոնց խնդիրը պարզապէս այտերի ուռուցիկ լինելու պակասն էր, պրոթեզաւորումն իդէալական մեթոդ է: Սա մի փոքր տարբերւում է տարեց մարդկանց պարագային, քանի որ տարիքի հետ ճարպային հիւսւածքները հիւծւում են դէմքի, յատկապէս աչքերի շուրջ, այտերի, այտերի տակ և կզակի բաժիններում: (Այս փոփոխութիւնները բարձր տարիքում, նոյնիսկ կարող է քաշի աւելացումով նաեւ առաջանալ:)
Մենք հաւատացած ենք, որ նման դէպքերում լաւագոյն միջոցը գեղեցկացնելու եւ դէմքի հաւասարակշռութիւնը կրկին հաստատելու համար, ճարպի ներարկումն է: Եթէ այդ մարդիկ այտի պրոթեզից օգտւեն (առանց ճարպի ներարկումի), երեք հիմնական խնդիրներ կառաջանան. նախ՝ պրոթեզաւորումը միայնակ մաշկի երիտասարդացում չի առաջացնում և հաշւի առնելով, որ շատ կանանց մօտ 30 տարեկանից նւազում է մաշկի թարմութիւնը, ճարպի ներարկումի կարևորութիւնը (որը վերականգնում է մաշկի թարմութիւնը) այդ մարդկանց պարագային պարզ է դառնում: Երկրորդ՝ եթէ այս մարդիկ միայն պրոթեզից օգտւեն (առանց ճարպի ներարկումի), աչքերի տակի փոսերը աւելի են վատանում: Երրորդ խնդիրն այն է, որ շատ նիհար մարդկանց մօտ, պրոթեզը մաշկի մակերեսից կարող է նկատելի լինել: Այդ իսկ պատճառով, նիհար մարդիկ կամ մարզիկները, ովքեր բաւականին ճարպ ներարկելու համար չունեն, պրոթեզի աննկատելի լինելու համար, բացի այտի պրոթեզ տեղադրելուց, նաև ճարպի ներարկումից (միաժամանակ) այդ շրջանում օգտւում են: Իհարկէ չափազանց նիհար մարդկանց պարագային, չի կարող օգտագործւել պրոթեզ կամ ճարպի ներարկում: Նման դէպքերում, գելի ներարկում է օգտագործւում:
Դուք ո՞ր տեսակի պրոթեզից էք օգտւում:
Այտերի ծաւալի մեծացման համար պրոթեզները տարբեր են: Մենք օգտագործում ենք միայն որոշակի տեսակի սիլիկոնային իմպլանտներ, որոնք շատ փափուկ եւ ճկուն են եւ հեշտութեամբ են ձեւաւորւում ոսկորի հետ: Այս պրոթեզների ունեցած յատկանիշների շնորհիւ, վիրահատութիւնից յետոյ շօշափելով կամ նայելով նկատելի չեն: