Իմ ականջները համաչափ չեն և կամ նոյն չափի դուրս ցցւած չեն: Արդեօ՞ք կարող էք կատարելապէս համաչափել դրանք:
Ինչպէս արդէն նշւել է, անհամաչափութեան հարիւր տոկոսով և երաշխաւորւած շտկելու (նոյնիսկ այն դէպքերում, երբ ականջներն ամբողջութեամբ դեֆորմացւած են) հնարաւորութիւնը չկայ: Մենք շարունակ ջանում ենք, որ գործի արդիւնքը համաչափ լինի, բայց կատարեալ համաչափութիւն ստեղծելը, սովորաբար մատչելի չէ:
Մենք միշտ համաձայնագրում նշում ենք, որ «մարմնի երկու կողմերն կատարելապէս համաչափ չեն և դրանց համաչափութիւնը հնարաւոր չէ»: Փաստօրէն մարդկանց մեծամասնութիւնը չի նկատում դէմքի և ականջների թեթև անհամաչափութիւնը, միթէ հայելու առջեւ ուշադրութեամբ զննի իր դէմքը:
Արդեօ՞ք կարող է այս գործողութիւնը կատարւել միայն մէկ ականջի վրայ:
Այո: Չնայած դրան, որ ականջի տեսքի միակողմանի աղաւաղումի հաւանականութիւնը շատ քիչ է, սակայն եթէ կայ, պէտք է բարեփոխել: Նշենք, որ հարիւր տոկոսով ճիշտ և երաշխաւորւած ձևով, ականջների թոյլ անհամաչափութիւնը երբեմն հնարաւոր չէ:
Այս գործողութիւնը երեխաների մօտ, ի՞նչ տարիքում է կատարւում:
Նւազագոյն տարիքը այս գործողութեան համար վեց տարեկանն է: Մի քանի պատճառներով.՝ առաջին պատճառն այն է, որ այս տարիքում ականջները հասել են առաւելագոյն չափի և վիրահատութիւնն որևէ խանգարում չի առաջացնի դրանց աճի համար: Երկրորդն այն է, որ ցածր տարիքում սովորաբար երեխաները չեն կարողանում դիտարկել յետվիրահատական խնամքները եւ կարող են նոյնիսկ ձեռնահարել ականջը և վնասել այն:
Խնդրեմ բացատրել վիրահատութեան ապաքինման ժամանակաշրջանի մասին:
Ականջի վիրակապը յաջորդ առաւօտ վերցւում է: 20% դէպքերում կարող է կապտուկը և թեթև ուռուցքը մինչև մի քանի օր տեւել: Սակայն, ականջի տեսքը շատ հիւանդների մօտ, նոյնիսկ վիրահատութեան յաջորդ օրը, նորմալ է: Քանի որ հիւանդի ականջը նախքան վիրահատութիւն դուրս ցցւած է, սովորաբար վիրահատելուց անմիջապէս յետոյ նաև աւելի լաւ տեսք է ունենալու: Նոյնիսկ այն մարդկանց դէպքում, ովքեր կարճ մազեր ունեն, վիրահատութեան յաջորդ օրն ևս անկանջներն անբնական չեն երևում: Հիւանդը առաջին շաբաթը՝ վիրահատութիւնից յետոյ, օգտագործում է մարզական թոյլ գլխակապեր, որպէսզի շարունակաբար ականջը ծածկի: Իհարկէ, անհրաժեշտ պարագային կարող է գլխակապը կարճ ժամանակով վերցնել: Առաջին շաբաթից յետոյ, 5 շաբաթ տևողութեամբ միայն գիշերները օգտագործում է գլխակապը: Հիւանդը առաջին շաբաթից յետոյ կարող գլխակապով թեթեւ մարզանքներ անել: Այս ժամանակաշրջանում գլխակապի օգտագործումը կանխում է ականջի վնասւածքը՝ մարզանքի ընթացքին: Մինչև 3 ամիս պէտք է խուսափել այն մարզանքներից, որոնց մէջ հարւածի շատ հաւանականութիւն կայ: Սակայն հիւանդների մեծ մասը վիրահատութեան յաջորդ օրը կարող են գնալ աշխատանքի կամ դպրոց: Շատ դէպքերում գերադասում են մինչև ուռուցքի կատարեալ վերացումը, մի քանի օրից մինչեւ մէկ շաբաթ տանը մնալ:
Արդեօ՞ք այս գործողութիւնը ցաւօտ է: Այն կատարւում է տեղային անզգայացմամբ թէ՞ ընդհանուր թմրաքունի միջոցով:
Այս գործընթացն ամբողջովին առանց ցաւ է: Մենք այն կատարելու համար նախընտրում ենք ընդհանուր թմրաքուն: Հաւանաբար հիւանդը վիրահատութիւնից անմիջապէս յետոյ մի փոքր այրւածքի և ցաւի զգացում կունենայ, որը ցաւազրկող տեղերի օգտագործումով կը վերանայ: Հիւանդի առաւել հանգիստ լինելու համար, մենք օգտագործում ենք անզգայացնող դեղեր՝ երկարաժամեայ ազդեցութեամբ: Սովորաբար վիրահատութեան աւարտի միւս օրւայ առաւօտից, հիւանդն որևէ անհանգստութիւն և ցաւ չունի:
Արդեօ՞ք գործողութիւնից յետոյ, կտրւածքի տեղը տեսանելի է:
Ականջի կոսմետիկ վիրահատութեան համար, մաշկի բոլոր կտրւածքներն ականջի յետևից են կատարւում, այդ իսկ պատճառով նկատելի չեն:
Ի՞նչ մեթոդից էք օգտւում ականջների կոսմետիկ գործողութեան համար:
Օգտագործւող մեթոդը պայմանաւորւած է, թէ ականջի բլթակն ինչ տեսք ունի: Ամենատարածւած ականջի տեսքի աղաւաղումն, որին լոշտակութիւն (lop ear deformity) են կոչում, ականջախեցու աճառի չկազմւած ծալքերից մէկի (antihelical ծալք) պատճառով է առաջանում: Որպէսզի այս խնդիրը վերացւի, կան մի քանի ձեւեր.՝ աճառի կտրւածք, կարել աճառը և կամ նրբագծեր առաջացնել և փափկացնել այն: Մեր կարծիքով նման դէպքերում աճառի կտրւածքը յարմար ձեւ չէ, որովհետև գործողութիւնից մօտաւորապէս մէկից երկու տարի տևողութեամբ, կտրւածքի գիծը մաշկի տակից երևում է և ցանկալի տեսք չունի: Մենք նշւած ձևերի համադրութիւնն ենք օգտագործում, այնպէս որ նախ ականջի աճառի յետին մասի ճկունութիւնն են բարձրացնում (նրբագծելով), որպէսզի աճառը հանգիստ ծալւի և յետոյ յարմար կարերով ականջին յարմար տեսք ենք տալիս և հաստատում դրա դիրքը: Այս համադրած մեթոդը իդէալական է և մշտական արդիւնքների համար յարմար է:
Այլ տեսակի ականջի տեսքի աղաւաղումն cup ear deformity է կոչւում, որը կարող է առանձին կամ նախորդ տեսակի հետ միատեղ (lop ear deformity) գոյութիւն ունենալ: Այս տեսակի աղաւաղումը բնութագրւում է աճառի առաւել կորութիւնով՝ ականճի խոռոչի մօտ: Այս դէպքում, աճառի գերաճը պատճառ է դառնում ականջների դուրս ցցւած լինելուն: Նման դէպքերում, եթէ աճառի աճը ցածր կամ միջին չափի է, կարելի է առանց աճառը վերցնելու բարեփոխել այն: Բայց այն դէպքերում, երբ չափազանց շատ է աճառի աճը, անհրաժեշտ է հեռացնել աճառի մի մասը: Ի տարբերութիւն նախորդ տեսակի աղաւաղումին (lop ear deformity) , որն աճառի կտրւածքի գիծը նկատելի էր դառնում, այս դէպքում որևէ խնդիր չի առաջանում: